Yekîtiya Ragihandina Azad (YRA) bi boneya 125’an a Roja Rojnamegeriya Kurdî şahiyek li bajarê Qamişlo lidar xist. Di şahiyê de xelatên Pêşbirka Şehîdê Rojnamevan Îsam Ebdulah hatin belavkirin. Her wiha xelatên Kedê yên Şehîd Mazlûm Bagok hatin belavkirin.
Şahî bi beşdarbûna hejmarek mezin rojnamevan û mêvanan li Hola Mirîland bi rêzgirtinê û Sirûda Ey Reqîb destpê kir. Paşê Hevseroka Yekîtiya Ragihandina Azad Malva Elî axaftina vekirinê kir û bal kişand ser giringiya roja rojnamegeriya kurdî. Malva Elî rojnamevanên Şehîd bûne, bibîr anî û bibîr xist wan bi keda û fedekariya xwe riya pêşxistina ragihandina kurdî ya nûjen vekiriye.
Paşê xelatên pêşbirka Şehîd Îsam û xelatên Kedê yên Mazlûm Bagok hatin belavkirin.
Xelatên Pêşbirka Şehîd Îsam Ebdullah ku şeva 19`ê Mijdarê (2022) di êrişa dewleta Tirk a dagirker a li dijî herêma Dêrikê de şehîd bû û ji bo bîranîna wî pêşbirka bi navê wî hat binavkirin, li van rojnamevanan hatin belavkirin:
- Laleş Ebdurehman (baştirîn belgefîlm)
- Zana El Elî (baştirîn nûçe-rapor)
- Fîras Îbrahîm (baştirîn wêne)
- Şêrîn Hesen (baştirîn bernameya radyo)
- Şevzan Mehmûd (baştirîn madeya li ser medya dijîtal)
- Sorgul Şêxo (baştirîn nûçeya jin)
- Sulnar Mihemed (baştirîn rapor-analîz)
- Alan Meîş (baştirîn bername)
- Ronak Şêxî (baştirîn nûçeya-televîzyonê)
Xelata Kedê ya Şehîd Mazlûm Bagok li van rojnamevanan hat belavkirin:
- Ehmed Mihemed
- Cûma Ekaş
- Ebdurehman Mihemed
- Delîl Dogan
- Derav Ala
- Sozdar Ehmed
- Newroz Reşo
- Lîlav Hesen
Xelata Wêrekiyê jî para van rojnamevanan bû:
- Şehîd Îsam Ebdullah (xelat radestî malbata wî tê kirin)
- Mihemed Ceradê
- Mihemed Mistefa
- Dicle Ehmed
Xelata Kurdistanî ji bo rojnamevan Serdar Goyî hat dayîn.
Ji ber xebatên wan di warê ragihandinê de, Radyo Rojava jî wekî saziyek li dijî hemû êrişan weşanek mayînde li tevahî herêmê pêş xistiye, hat xelatkirin.
Şahî bi stran û govenên kudî bi dawî bû.
