Destpêkirina weşana Nûçe TV di Roja Zimanê Kurdî de nîşaneya girîngiyek dîrokî û neteweyî ye. Di heman demê de derbirîna vîna azad û baweriya bi girîngiya parastina zimanê dayîkê û xurtkirina hebûna wê di warên cûrbecûr ên qadên jiyan, çand û çapemeniyê de ye.
Di wextekî de ku zimanê Kurdî rastî hewldanên qirkirin, pişaftin û paşguhkirinê tê, vekirina Nûçe TV gavek rasteqîn û berpirsiyar ji bo parastina nasnameya çandî ya çapemeniyê ye, di heman demê de tekûzkirina nirxên heqîqet û azadiyê ye.
Çawa em destpêkirina weşana Nûçe TV pîroz dikin, hêvî dikin jî ku bibe dengekî rastiyê û platformek ku azad pirsgirêk û daxwazên civakê nîşan bide. Ne tenê lêzêdekirinek li qada ragihandinê, lê belê ew ê di rêwîtiya ragihandina azad de, cudahiyek rasteqîn çêbike û dê ala şehîdên heqîqetê bi berpirsyarî û dilsozî, bilind bihêle.
Her wiha em hêvî dikin ku Nûçe TV, li ser mîrateya têkoşîn û fedayetiyên gewre yên pakrewanên çapemeniya azad, bibe refleksa rastiyê ya hêvî, azwerî û daxwazên gel û dengê wî yê azad bigihîne cihanê.
Carek din, em rêveberî û endamên Nûçe TV û hemû kedkarên ragihandina azad pîroz dikin, ji bo pêkanîna erkên xwe yên medyayî yên bi rûmet, serkeftinê ji wan re dixwazin.
Yekîtiya Ragihandina Azad – YRA
15.05.2026
