Li Spanyayê pêşangeha “Jinên di navbera şeran de” ku balê dikişîne ser têkoşîna YPJˊê, rola wê di berxwedana li hember “terorê”, parastina azadî û wekheviyê de, hat vekirin.
Li Qesra Palau Robert a navdar a li bajarê Bercelonayê yê Spanyayê pêşangeha “Jinên di navbera şeran de” hat vekirin. Ev pêşangehê balê dikişîne ser lehengiyên jinên ji Rojavayê Kurdistanê, Bakur û rojhilatê Sûriyeyê û ezmûnên wan ên li dijî şer û ji nû ve avakirina aştiyê û civakê.
Di pêşangehê de bi awayekî taybet têkoşîna Yekîneyên Parastina Jin (YPJ), rola wan di berxwedana dijî “terorê” de, parastina azadî û wekheviyê û hewlên wan ên ji nû ve avakirina jiyana piştî şer hat pêşkêşkirin.
Biryar e piştî pêşangeh li gelek bajarên din ên Spanyayê û gelek welatên cîhanê ve biçe bê vekirin, da ku dengê jinên têkoşer bi peyamekê bigihîne cîhanê.
Heta 30ˊê Mijdarêli Qesra Palau Robert a Bercelonayê ya Spanyayê pêşangeh didome.
Hêjayî gotinê ye ku pêşengeh ji aliyê komek rojnamevan li Spanyayê hatiye organîzekirin û tê de rola jinan li Rojava di şerê li dijî terorê û parastina azadî û wekheviyê de tê belgekirin. Pêşengeha bi navê “Rojava: Jinên di navbera şeran de” encama pênc salên xebata meydanî li Bakur û Rojhilatî Sûriyê ye ku ji aliyê rojnamevan û wênekêş Vîktorye Rovîra bi hevkariya rojnamevan û hilberîner Bedirxan Ehmed ve hatiye belgekirin.
bi hevakariya rojnamevan Bedirxan Ehmed re hatiya amedekirin
