Yekîtiya Ragihandina Azad – YRA, îro, daxuyaniya xwe ya bi zimanên Erebî, Kurdî û Ingilîzî bi nameyeke fermî radestî boruya NY li Qamişlo kir.
YRA di nameya ku pêşkêşî Sekreterê Giştî yê NY António Guterres û Konseya Ewlekariyê de, binpêkirinên li dijî rojnamevanan li Helebê bi awayekî tund şermezar kir, taybet piştî êirşên dawî yên li ser herdu taxên Heleb; Şêx Meqsûd û Eşrefiyê. Her wiha YRA di nameya xwe de daxawaz kir ku rojnamevan û kedkarên qada çapemeniyê werin parastin û aliyên sûc kirine jî bên cezakirin.
Name ji aliyê Hevserokên YRA; Idrîs Henan û Evîn Îbrahîm ve hate pêşkêşkirin ku ji aliyê birêvebir Abdullah Şahîn û jimarek rêveberav ve hatin pêşwazîkirin.
YRA di nameyê de tekezî li şermezarkirina binpêkirinên giran ên li ser sivîl û kedkarên ragihandinê, hemleyên dezenformasyonê, bomberdomana bêserûber, dorpêçkirin û hedefgirtina saziyê sivîl û yên tedirustiyê kir.
Di nameya Yekîtiya Ragihandina Azad – YRA de, ji NY û Konseya Ewlekariyê re hat xwestin ku bi awayekî cidî li naveroka nameyê bête nihêrandin, û gavên ku parstina sivîl û rojnamevanan gerantî dikin bên avêtin û li gorî zagonên navneteweyî yên mirovî û peymanên parastina rojnamevanan, sûcdar bên cezakirin.
