Li gorî Navenda Parastina Rojnamevanan li Filistînê, rojnamevanekî Filistînî, bi rêya seyekî perwerdekirî, li zîndanên Îsraîlê rastî îşkence û destdirêjiya cinsî hatiye ku di encamê de terazûya xwe ya derûnî winda kiriye.
Navendê tekez kir ku rojnamevanê Filistînî rastî xetertirîn sûcên belgekirî di derheqî rojnamevanên di zîndanên Îsraîlê de hatiye ku ji ber wê yekê zêdetirî du mehan rewşeke trawmaya (şok) derûnî ya giran kişandiye.
Navendê diyar kir ku sûc li hundirê zindana Sediyê Tîman ji aliyê leşkerên Îsraîlê ve pêk hatiye ku rojnamevan û 7 dîlên din li cihekî veşartî di kampê de, çavgirtî û bê parastin rastî îşkencê û destdirêjiyeke cinsî ya komî hatine
